Колку чини веб-страница во Македонија во 2026.
Најчестото прашање што го добиваме. Еве јасен одговор со реални цени — без скриени трошоци и без празни ветувања.
Секој што сака сајт го поставува истото прашање прво: колку чини. Проблемот е што повеќето агенции одговараат со „зависи" и таму завршува разговорот. Зависи — да, но од конкретни работи што можеме да ги објасниме.
Еве како стојат цените кај SNOVI во 2026, за бизниси во Битола и низ цела Македонија.
Цените накратко
Презентациска страница (една страна)€200
Веб-страница до 3 страни€350
Онлајн продавница (e-commerce)€500
Брендинг — ако веќе имаш лого и боибесплатно
Брендинг од нула — лого, бои, глас€100
Ова се појдовни цени. Точната бројка зависи од тоа колку страници ти требаат, какви функции сакаш и дали содржината е готова или ја градиме заедно.
Од што навистина зависи цената
Број на страници. Една силна презентациска страна е доволна за многу бизниси. Ако нудиш повеќе услуги што бараат посебни страници, цената расте соодветно.
Функционалност. Формулар за контакт е стандард. Онлајн нарачки, плаќања, резервации или кориснички профили се посложени и затоа онлајн продавницата е посебна ставка.
Содржина. Ако имаш текстови и слики подготвени, работата е побрза. Ако не — помагаме да се создадат, што е дел од стратегијата.
Месечни планови
Сајтот не е крај, туку почеток. За бизниси што сакаат сајтот да расте, нудиме месечни планови:
Основен план€50/мес
Напреден план€80/мес
Напредниот план вклучува постојано пишување блог, управување со Google Business профилот и месечни извештаи со аналитика — токму работите што те качуваат погоре на Google со текот на времето.
Зошто не е најевтино — и зошто тоа е добро
Шаблон од 20 евра можеш да најдеш секаде. Проблемот е што изгледа исто како кај илјадници други и не носи клиенти. Ние градиме сајт по мерка на твојот бизнис — брз, мобилно оптимизиран и со SEO основа од старт.
не изложба, туку доживување.
Резултатот е сајт што клиентите го паметат и на кој се враќаат. Ако сакаш да видиш како размислуваме пред да напишеме и еден ред код, прочитај ја нашата страница за стратегија.
Следен чекор
Првата консултација е бесплатна и без обврска. Ни кажуваш што работиш и што сакаш да постигнеш, ние ти враќаме конкретна понуда. Види ги деталите за изработка на веб-страници или пиши ни директно.
Најчести прашања
Дали цената е фиксна?
Појдовните цени се фиксни за таа големина проект. Ако сакаш дополнителни функции, ти кажуваме однапред колку чини — без изненадувања на крајот.
Дали има месечни трошоци што морам да ги плаќам?
Не мораш. Хостингот и одржувањето можат да се решат еднократно. Месечните планови се опција само ако сакаш постојан развој — блог, Google профил и аналитика.
Колку време трае изработката?
Обично 2 до 4 недели, зависно од обемот. Точен рок добиваш по првата консултација.
Да ја направиме твојата.
Следи, пиши или јави — ние се грижиме за останатото.